 |
| ສະຫວັນໄອເຕັກ |
 |
| ລົດໄຟຟ້າໃຫ້ບໍລິການລາຄາຖືກຕາມສາຍທາງ |
 | |
| ປັບປຸງສ້າງໃຫມ່ |
2/2/56
ສະຫວັນໄອເຕັກ
ປະຫວັດ ແຂວງສະຫວັນນະເຂດ
ປະຫວັດສາດຂອງສະຫວັນນະເຂດເລີ່ມໃນສະໄຫມຂອມ ເຮືອງອຳນາດ ເມືອງນີ້ຊື່ວ່າ ເມືອງສຸວັນນະພູມປະເທດ ເປັນເມືອງ ທີ່ອຸດົມສົມບູນດ້ວຍຊັບພະຍາກອນທຳມະຊາດໃນປີ ຄສ 1577 ທ້າວຫລວງ ແລະ ນາງສິມ ໄດ້ອົບພະຍົກຜູ້ຄົນຈາກພາກເຫນືອລົງມາຕັ້ງຫມູ່ບ້ານຊື່ວ່າ ຫລວງໂພນເມືອງສິມ ຫ່າງຈາກຕົວເມືອງ ປະຈຸບັນປະມານ 18 ກິໂລແມັດ ເສັ້ນທາງດຽວ ກັບໄປພະທາດອີງຮັງ ເມື່ອເຖິງປີ ຄສ 1642 ທ້າວ ສິມພະລີ (ລູກຊາຍ) ໄດ້ພາຊາວບ້ານຫລາຍສິບຄອບຄົວແຍກອອກໄປຕັ້ງເມືອງໃຫມ່ ໃນເຂດສະຫວັນນະເຂດເອີ້ນວ່າ ບ້ານທ່າແຮ່ ເພາະອຸດົມສົມບູນດ້ວຍແຮ່ທາດຕ່າງໆ ຈົນເຖິງປີ ຄສ 1919 ເມື່ອລາວຕົກເປັນອານານິຄົມ ຝັ່ງໄດ້ຕັ້ງສຳນັກງານ ຜູ້ວ່າລາຊະການແຜ່ນດິນປະຈຳແຂວງຢູ່ ທ່າແຮ່ ແລະຕັ້ງຊື່ໃຫ້ໃຫມ່ເປັນ "ສະຫວັນນະເຂດ".
ແຜນທີ
ທີ່ຕັ້ງ
ແຂວງສະຫວັນນະເຂດ ຕັ້ງຢູ່ໃນເສັ້ນຂະໜານທີ 16°C, 0.5” ໃຕ້ - 17°C, 07” ເໜືອ ແລະ ເສັ້ນແວງທີ 104°C, 3.6” ຕາເວັນຕົກ 106°C, 7.2” ຕາເວັນອອກ, ມີເນື້ອທີ່ 2,177,400 ເຮັກຕາ ແລະ ມີເຂດແດນຕິດຈອດກັບແຂວງ ແລະ ປະເທດໃກ້ຄຽງຄືດັ່ງນີ້ :- ທິດເໜືອຕິດກັບແຂວງຄຳມ່ວນ ຍາວເຖິງ 314 ກມ.
- ທິດໃຕ້ຕິດກັບແຂວງສາລະວັນ ຍາວເຖິງ 259 ກມ.
- ທິດຕາເວັນອອກຕິດກັບ ສ.ສ.ຫວຽດນາມ ຍາວ122 ກມ.
- ທິດຕາເວັນຕົກຕິດກັບຣາຊະອານາຈັກໄທ ຍາວ 152 ກມ
ເຂດທົ່ງພຽງສ່ວນທີ່ລຽບຕາມລຳແມ່ນໍ້າຂອງ ກວມເອົາ 04 ເມືອງຄື: ເມືອງໄຊບູລີ, ເມືອງໄກສອນ ພົມວິຫານ, ເມືອງໄຊພູທອງ ແລະ ສອງຄອນ, ເປັນເຂດທີ່ອຸດົມສົມບູນດ້ວຍເຂົ້າປາອາຫານເປັນແຫລ່ງການຜະລິດເຂົ້າ, ພືດຕະກູນ ຖົ່ວແລະລ້ຽງສັດ(ສັດປີກ,ສັດໃຫຍ່ ແລະ ປາ) ເຊີ່ງມີຄວາມ ສູງຈາກລະດັບນ້ຳທະເລແຕ່ 140 ຫາ 180 ແມັດ.
ສ່ວນເຂດທົ່ງພຽງທີ່ຕັ້ງຢູ່ໃຈກາງລະຫວ່າງເຂດພູພຽງ ກັບທົ່ງພຽງລຽບນ້ຳຂອງນັ້ນ ກວມເອົາ 06 ເມືອງຄື: ເມືອງອຸທຸມພອນ, ອາດສະພັງທອງ, ພະລານໄຊ, ເມືອງຈຳພອນ,ຊົນນະບູລີ ແລະ ອາດສະພອນ, ເຂດນີ້ ເປັນເຂດທີ່ປູກເຂົ້າ, ປູກພືດອຸດສາຫະກຳ ແລະ ລ້ຽງສັດໃຫຍ່(ງົວຄວາຍ) ເຊີ່ງມີຄວາມສູງຈາກລະດັບນ້ຳທະເລແຕ່ 180 ຫາ 200 ແມັດ.
ສ່ວນວ່າເຂດພູພຽງກວມເອົາ 05 ເມືອງປະກອບມີ: ເມືອງນອງ,ເຊໂປນ,ວິລະບູລີ, ພີນ ແລະ ທ່າປາງທອງ ເປັນເຂດລໍ່ລ້ຽງໃຫ້ຄວາມຊຸ່ມຊື່ນໃຫ້ເຂດທົ່ງພຽງ, ເໝາະສົມໃນການປູກ ໄມ້ໃຫ້ໝາກ, ພຶດອຸດສາຫະກຳ ແລະ ລ້ຽງສັດ ໃຫຍ່ທຸກໆປະເພດ, ເຂດນີ້ມີຄວາມສູງຈາກລະດັບໜ້ານ້ຳທະເລແຕ່ 200 ຫາ 1.000 ແມັດ.
ເຂດການປົກຄອງ
- ເຂດການປົກຄອງ:15 ເມືອງ, 1.016 ບ້ານ, 168 ກຸ່ມບ້ານ- ປະຊາກອນ : 886.985 ຄົນ, ຍິງ450.100 ຄົນ
- ອັດຕາເພີ່ມສະເລ່ຍແຕ່ລະປີ ປະມານ 1,7 %
- ຄວາມຫນາແຫນ້ນສະເລັ່ຍ 41 ຄົນ/ກິໂລແມັດມົນທົນ.
- ປະກອບດ້ວຍ 2 ເຜົ່າໃຫຍ່ຄື: ເຜົ່າລາວລຸ່ມ, ເຜົ່າລາວເທິງ.
- ເນື້ອທີ່ : 2.177.400 ເຮັກຕາ, ດິນກະສິກຳມີ : 7 ແສນ
ກວ່າເຮັກຕາ ເນື້ອທີ່ປ່າໄມ້ 1,5 ລ້ານເຮັກຕາ, ເນື້ອທີ່ທົ່ງພຽງ
ກວມ59% ແລະ ເນື້ອທີ່ເຂດພູດອຍກວມ41%.
ບັນດາເມືອງ
- ເມືອງໄກສອນ ພົມວິຫານ
- ເມືອງອຸທຸມພອນ
- ເມືອງອາດສະພັງທອງ
- ເມືອງພີນ
- ເມືອງເຊໂປນ
- ເມືອງນອງ
- ເມືອງທ່າປາງທອງ
- ເມືອງສອງຄອນ
- ເມືອງຈຳພອນ
- ເມືອງຊົນບຸລີ
- ເມືອງໄຊບູລີ
- ເມືອງວີລະບຸລີ
- ເມືອງອາດສະພອນ
- ເມືອງໄຊພູທອງ
- ເມືອງພະລານໄຊ
ແຮງງານ
- ແຕ່ອາຍຸ 15 ປີ ຫາ 60 ປີ ຈຳນວນ: 479.756 ຄົນ,ກວມ 54 %ຂອງປະຊາກອນ. - ເງິນເດືອນຕ່ຳສຸດ 70 ໂດລາສະຫະລັດຕໍ່ເດືອນ.ການຄົມມະນາຄົມ
- ເສັ້ນທາງຫມາຍເລກ 9 ເປັນເສັ້ນທາງເຊື່ອມເສດຖະກິດທິດຕາເວັນອອກ-ຕາເວັນຕົກ ຫລື EWEC.
- ເສັ້ນທາງຫມາຍເລກທີ 13 ເປັນເສັ້ນທາງຕັດຜ່ານແຕ່ເໜືອຫາໃຕ້.
ເດີ່ນບິນ
- ມີຖ້ຽວບິນ ສະຫວັນນະເຂດ ຫາ ນະຄອນຫຼວງວຽງຈັນ
- ສະຫວັນນະເຂດ ຫາ ບາງກອກ ປະເທດໄທ
ໂທລະຄົມມະນາຄົມ
ມີເຄືອຂ່າຍຕິດຕໍ່ໄດ້ທຸກໆເມືອງໃນ 15 ຕົວເມືອງຂອງແຂວງສະຫວັນນະເຂດ.ການລົງທຶນຈາກຕ່າງປະເທດ
- ຖ້າລົງທຶນໃນເຂດ 1: ຈະໄດ້ຮັບການຍົກເວັ້ນອາກອນກຳໄລເປັນໄລຍະເວລາ 7 ປີ ແລະ ຫລັງຈາກນັ້ນຈະໄດ້ເສຍອາກອນກຳໄລເຕັມໃນອັດຕາສິບສ່ວນຮ້ອຍ(10%).
- ຖ້າລົງທຶນໃນເຂດ 2: ຈະໄດ້ຮັບການຍົກເວັ້ນອາກອນກຳໄລເປັນໄລຍະເວລາ 5ປີ, ຫລັງຈາກນັ້ນຈະໄດ້ເສຍອາກອນ ກຳໄລໃນອັດຕາຫລຸດຜ່ອນເຄິ່ງຫນຶ່ງຂອງສິບຫ້າສ່ວນຮ້ອຍ (15%) ໃນໄລຍະ 3 ປີ ແລະ ຫລັງຈາກນັ້ນຈະໄດ້ເສຍອາກອນກຳໄລເຕັມໃນອັດຕາສິບຫ້າສ່ວນຮ້ອຍ (15%).
- ຖ້າລົງທຶນໃນເຂດ 3: ຈະໄດ້ຮັບການຍົກເວັ້ນອາກອນກຳໄລເປັນໄລຍະເວລາ 2 ປີ ຈາກນັ້ນຈະໄດ້ເສຍອາກອນກຳໄລໃນອັດຕາເຄິ່ງຫນຶ່ງຂອງຊາວສ່ວນ ຮ້ອຍ(20%)ໃນໄລຍະ ເວລາ 2 ປີ ແລະ ຫລັງຈາກນັ້ນຈະໄດ້ເສຍອາກອນກຳໄລເຕັມໃນອັດຕາຊາວສ່ວນຮ້ອຍ (20% ).
| ປະເທດ | ໂຄງການ | ມູນຄ່າ $USD | % |
| ສ.ປ.ຈີນ | 26 | 284.866.974 | 22.36 |
| ໄທ | 24 | 137.415.324 | 10.79 |
| ຫວຽດນາມ | 16 | 68.027.396 | 5.34 |
| ເກົາຫລີ | 6 | 74.700.000 | 5.86 |
| ມາເລເຊຍ | 5 | 10.200.000 | 0.80 |
| ອົດສະຕຣາລີ | 4 | 320.000.000 | 25.12 |
| ຝຣັ່ງ | 3 | 2.717.568 | 0.21 |
| ສິງກະໂປ | 3 | 5.709.699 | 0.45 |
| ຍີປຸ່ນ | 3 | 7.200.000 | 0.57 |
| ອື່ນໆ | 7 | 363.290.000 | 28.51 |
| ລວມ | 97 | 1.274.126.961 | 100 |
1/2/56
ບ້ານດອນຂາວ ເມືອງທ່າປາງທອງ ແຂວງສະຫວັນນະເຂດ
ບ້ານດອນຂາວ ເປັນບ້ານເກົ່າແກ່ມາແຕ່ດົນແລ້ວ ແຕ່ຍ້ອມຄວາມຫ່າງໄກຊອກຫລິກ ຍັງບໍ່ມີຖະນົມຫົນທາງທີ່ສະດວກສະບາຍເທື່ອ
 |
| ເຮືອນຫລັງຫນຶ່ງທີ່ບ້ານດອນຂາວ |
 |
| ປ້ຳນ້ຳມັນ ແຫ່ງດຽວທີ່ບ້ານດອນຂາວ |
23/1/56
14/10/55
ວັດໃຫຍ່ໄຊຍະພູມ ສະຫວນນະເຂດ
ວັດໄຊຍະພູມຕັ້ງຢູ່ແຄມຝັ່ງແມ່ນ້ຳຂອງ ໃນເຂດບ້ານໄຊຍະພູມ
ເມືອງໄກສອນພົມວິຫານ ແຂວງ ສະຫວນນະເຂດ ເຊິ່ງເປັນວັດ ພຸທະສະຖານທີ່ເກົ່າແກ່
ທີ່ຖືກສ້າງຂຶ້ນພ້ອມກັນກັບ ບ້ານທ່າແຮ່ ຫຼື ບ້ານຄຳໃນປີ ຄ.ສ 1542 ແລະ
ໄດ້ສ້າງຕໍ່ເຕີມໃນຕົ້ນ ສະຕະວັດທີ 20 ເຊິ່ງ ເຮັດໃຫ້ ພຸດທະສະຖານ ແຫ່ງນີ້
ໄດ້ມີຄວາມງົດງາມ ແລະ ໂດດເດັ່ນ ດ້ວຍສິ່ງລວດລາຍ ແລະ ການຕົກແຕ່ງ ອັນເປັນຕົ້ນແບບ
ສິລະປະຂອງ ແຂວງສະຫວັນນະເຂດ ເຊັ່ນ: ປະຕູຂົງ, ຫໍແຈກເປັນຕົ້ນ ແລະ
ອັນເປັນຈິດໃຈ ຂອງຊາວ ເມືອງກໍຄື ພຸທະສີມາ ທີ່ເປັນສະຖານທີ່ ຈັດກິດຈະກຳ
ຕ່າງໆ ທີ່ສຳຄັນ ທາງພຸທະສາສະນາ ເຊັ່ນ: ທຳບຸນ , ງານບຸນປະເພນີຕ່າງໆ
ຊາວບ້ານ ກໍ່ຈະພ້ອມພາກັນສ້າງ ເພື່ອທີ່ຈະຮັກສາສິ່ງ ວັດທະນະທຳ ເຫຼົ່ານີ້ໄວ້
ຕະຫຼອດໄປ.
 |
| ສີລະປະເທິງຝາ |
 |
| ພຸທະສີມາ |
 |
| ບໍລິວຽນພາຍໃນວັດ |
12/10/55
ແຫຼ່ງຫັດຖະກຳ - ເຄື່ອງທີ່ລະລຶກ ສູນຫັດຖະກຳ ລະຫາສິນ
ສູນອົບຮົມ ແລະ
ຜະລິດຜ້າຝ້າຍແບບ ພຶ້ນເມືອງ-ຍ້ອມສີທຳມະຊາດປອດສານເຄມີ
ທີ່ມີຕົ້ນແບບຈາກຫົວຄິດປະດິດສ້າງ ແລະ ວີໄມ້ລາຍມືເຜົ່າ ຜູ້ໄທເຂດບ້ານສະຫານ້ຳ ເມືອງສອງຄອນ. ມີຜ້າພື້ນເມືອງສຳຫຼັບຕັດເຄື່ອງນຸ່ງ, ເຄື່ອງນຸງຊາຍ-ຍິງ, ຜ້າພົມ, ຜ້າປູບ່ອນ, ປອກໝອນ, ຜ້າຫົມ, ຜ້າປູໂຕະ ແລະ
ອື່ນໆ ຕາມຄວາມຕ້ອງການ.
ສູນລະຫາສິນຕັ້ງຢູ່ເຮືອນເລກທີ 248 ໜ່ວຍ 23 ບ້ານໄຊຍະມຸງຄຸນ ເມືອງໄກສອນພົມວິຫານ ແຂວງສະຫວັນນະເຂດ. ໃກ້ກັບສະໜາມບິນ
ໂທລະສັບ: 041-212398,
Fax: 041-212781
Email: tibutitu@laotel.com
ພະທາດນາງລາວ ເມືອງວິລະບູລີ
ທາດນີ້ສ້າງຂຶ້ນສະໄໝນາງລາວປົກຄອງເມືອງວັງ (ນາງສະໜົມ ຜູ້ນຶ່ງ ຂອງເຈົ້າອະນຸວົງ ກະສັດອົງສຸດທ້າຍຂອງລາຊະວົງວຽງຈັນ, ທີ່ຊື່ວ່າ ນາງລາວ ກໍເພາະຄົນທ້ອງຖິ່ມນີ້ ເປັນເຜົ່າຜູ້ໄພ, ເຂົາເຈົ້າຈຶ່ງເອີ້ນຄົນເຜົ່າລາວວ່ານາງລາວ) ພະທາດນີ້ມີ 8 ລ່ຽມ, ສູງ13 ມ ຕີນກວ້າງ 12 ມ ກໍດ້ວຍດີນຈີ່ທີ່ຖຶກປະຮ້າງ ຂາດການບົວລະບັດມາໄດ້ 300 ກວ່າປີ ຊາວບ້ານຖືວ່າເປັນສະຖານທີ່ເຂັດຢຳ.
สมัครสมาชิก:
บทความ (Atom)