ແຫຼ່ງຫັ​ດຖະກຳ - ​ເຄື່ອງ​ທີ່​ລະ​ລຶກ ສູນຫັດ​ຖະກຳ ລະຫາ​ສິນ

ສູນ​ອົບຮົມ ​ແລະ ຜະ​ລິດ​ຜ້າ​ຝ້າຍ​ແບບ ພຶ້ນ​ເມືອງ-ຍ້ອມ​ສີ​ທຳ​ມະ​ຊາດ​ປອດ​ສານ​​ເຄມີ ທີ່​ມີ​ຕົ້ນ​​ແບບຈາກ​ຫົວຄິດ​ປະດິດ​ສ້າງ ​ແລະ​ ວີ​ໄມ້​ລາຍ​ມື​ເຜົ່າ ຜູ້​ໄທ​ເຂດ​ບ້ານ​ສະ​ຫານ້ຳ​ ​ເມືອງ​ສອງ​ຄ​ອນ. ມີ​ຜ້າ​ພື້ນ​ເມືອງ​ສຳ​ຫຼັບ​ຕັດ​ເຄື່ອງນຸ່ງ, ​ເຄື່ອງນຸງຊາຍ-ຍິງ,​ ຜ້າ​ພົມ, ຜ້າ​ປູ​ບ່ອນ​, ປອກໝອນ, ຜ້າ​ຫົມ, ຜ້າ​ປູ​ໂຕະ ​ແລະ ອື່ນໆ ຕາມ​ຄວາມ​ຕ້ອງການ.

     ສູນ​ລະຫາ​ສິນ​ຕັ້ງຢູ່​ເຮືອນ​ເລກທີ 248 ໜ່ວຍ 23 ບ້ານ​ໄຊ​ຍະ​ມຸງຄຸນ ​ເມືອງ​ໄກສອນພົມວິຫານ ​ແຂວງ​ສະຫວັນ​ນະ​ເຂດ. ​ໃກ້​ກັບ​ສະໜາມ​ບິນ

​ໂທລະ​ສັບ: 041-212398, Fax: 041-212781

Email: tibutitu@laotel.com

ພະທາ​ດນາງ​ລາວ ​ເມືອງ​ວິລະ​ບູລີ

   ທາດ​ນີ້​ສ້າງ​ຂຶ້ນ​ສະ​ໄໝ​ນາງ​ລາວ​ປົກຄອງ​ເມືອງ​ວັງ (ນາງ​ສະໜົມ ຜູ້​ນຶ່ງ ຂອງ​ເຈົ້າ​ອະນຸວົງ ກະສັດ​ອົງ​ສຸດ​ທ້າຍ​ຂອງລາຊະວົງ​ວຽງຈັນ, ທີ່​ຊື່​ວ່າ ນາງລາວ ກໍ​ເພາະ​ຄົນທ້ອງ​ຖິ່ມນີ້ ​ເປັນ​ເຜົ່າ​ຜູ້​ໄພ, ​​ເຂົາ​ເຈົ້າ​ຈຶ່ງ​ເອີ້​ນຄົນ​ເຜົ່າ​ລາວ​ວ່າ​ນາງລາວ) ພະທາດ​ນີ້​ມີ 8 ລ່ຽມ, ສູງ13 ມ ຕີນ​ກວ້າງ 12 ມ ກໍດ້ວຍ​ດີ​ນຈີ່​ທີ່​ຖຶກປະ​ຮ້າງ ຂາດ​ການ​ບົວລະບັດ​ມາ​ໄດ້ 300 ກວ່າ​ປີ ຊາວບ້ານ​ຖື​ວ່າ​ເປັນ​ສະຖານ​ທີ່​ເຂັດ​ຢຳ. 

ສະໝໍລະພູມບັ້ນຮົບ ລາມເຊີນ ແລະ ເສັ້ນທາງໂຮ່ຈິມິນ

ບັ້ນຮົບລື​ຊື່ ລາມ​ເຊີນ 719 ລະ​ເບີດຂຶ້ນ​ເມື່ອ​ຕົ້ນປີ 1971, ​ເປັນສົງ​ຄາມ​ຮຸກ​ຮານ​ຂອງ​ຈັກກະພັດ​ຕ່າງ​ດ້າວ ​ແລ​ະ ລະ​ລູກ​ແຫຼ່ງຕີນ​ມື ບຸດ​ຄົນ​ຫວັງຢຶດຈຸດ​ຍຸດ​ທະ​ສາດ, ​ແຕ່​ຖືກ​ກອງທັບ​ ​ແລະ ປະຊາຊົນ​ລາວ​ປະສານ​ສົມທົບ​ກັບ​ກອງທັບ ​ແລະ ​ປະຊາຊົນ​ຫວຽດນາມ​ຕ້ານ​ຄື​ນຈົນ​ພວກ​ເຂົາ​ປະລາ​ໄຊ, ມີ​ເຄື່ອງ​ສິນ​​ເສິກ​ອາ​ວຸດ​ຍຸດ​ໂທ​ປະກອນ​ຫຼາຍ​ຊະ​ນິດ​ເຫຼືອ​ໄວ້​ເປັນ​ອະນຸສອນ​ໃນ​ຂົງ​ເຂດ​ນີ້​ເຊັ່ນ: ລົດ​ຫຸ້ມ​ເກາະ, ລົດ​ລຳລຽງ, ປ້ອມ​ສູ້​ຮົບ, ປືນ​ໃຫຍ່, ລູກ​ລະ​ເບີດ, ຂຸມ​ລະ​ເບີດ ຢູ່​ເລາະ​ຕາມ​ ສາຍ​ທາງ​ເລກ9 ​ແລະ ​ເສັ້ນທາງ​ໂຮ່ຈິ​ມິນ. ທາງ​ເມືອງ​ໄດ້​ເກັບ​ລວມສິ່ງ​ນີ້​ໄວ້ ​ແລະ ຈະ​ຈັດ​ສະ​ແດງ​ພິພິທະ​ພັນ​ກາງ​ແຈ້ງ​ ຢູ່​ທີ່​ໜ້າ​ຫ້ອງ​ວ່າການ ​ເມື່ອງ​ເຊ​ໂປ​ນ.